2021 Research Reports (Hakha Version)
A tanglei hna hi Chinbridge Institute nih 2020-2021 chungah a tuahmi research fellowship ah aa tel khomi research fellows hna nih an tialmi research report an si.
01
Hakha University Kaimi Sianghngakchia Le Sianghngakchia Covo
Hakha University hi Chin ramkulh chung ah kan ngeihmi sianginn pakhat asi bantukin hi University ah fim a cawngmi hna nih an covo tlamtling tein an co khawh nakhnga le sianginn tuanvo ngeitu hna nih siangngakchia covo tling tein an pek khawh hna nakhnga aho paoh nih tuanvo kan ngei dih.
02
Hruaitu Dirhmun Ah Nu Teltumnak: Chin Sianghleirun Sianghngakchia Bu Chungah Nu Hruaitu Teltumnak
2010-2011 in 2019-2020 cacawn kum tiang Chin Sianghleiruun Siangngakchia Bu chung ah nu hruaitu 36% an i tel i cu 36% chung ahcun a biapi deuhmi hmunhma ah zatuak 17 hrawng lawng an i tel. Cun, atu tiang ah hi dothlatnak ah aa telmi sianghleiruun siangngakchia bu chung ah nu President pakhat hmanh an um rih lo. Ruahchannak pakhat a ummi tu cu 2015 hlan nakin 2015 hnu ah vice president le assistant secretary tibantuk a biapi deuhmi hmunhma ah nu hruaitu an karh deuh ti hmuh khawh a si.
03
Chin Ramkulh Sianghleirun Fimcawnnak le Khanchung Hmanmi Holh
Chinmi sianghleiruun fimcawnnak ah kan thancho khawh nakding ah zei holh in dah cachimh siseh, asiloah zei holh hi dah khanchung hmanmi holh siseh law a that bik lai ti hi a biapi tukmi biahalnak pakhat a si. Cucaah, hi dothlatnak nih dothlat aa zuammi biahalnak cu, Hakha Sianghleiruun ah zei holh in cachimh ah dah fimcawnnak thanchonak caah a that bik lai ti le, khanchung hmanmi holh hi zei holh a si ah dah fimcawnnak thanchonak caah a that bik lai ti hi a si.